Kryetari i PDK-së, Memli Krasniqi është takuar sot me ambasadorin e Japonisë për Kosovën, Ogasawara Mitsunori.
Sipas njoftimit të Krasniqit në takim u diskutua për zhvillimet politike në vend dhe për mundësitë e thellimit të bashkepunimit mes dy popujve dhe shteteve tona.
“Pjesa e krenarisë së përbashkët në diskutim lidhej me suksesin e xhudistëve tanë në garat ndërkombëtare, veçanërisht medaljet e arta të xhudisteve tona në Tokyo, në sportin tradicional të Japonisë”, ka shkruar tutje Krasniqi në Facebook.
“Japonia ka dhënë shumë për shtetndërtimin dhe mirëqenien e qytetarëve të Kosovës, dhe ne jemi shumë mirënjohës për këtë”.
Miqësia e Japonisë është vlerë e madhe e shtetit tonë, përfundon shkrimin e tij i pari i PDK-së, Memli Krasniqi.
