Ushtruesi i detyrës së drejtorit të përgjithshëm të Shërbimit Spitalor të Kosovës, Valbon Krasniqi ka thënë se së shpejti pritet të funksionalizohet Spitali i Podujevës.
Krasniqi ka autorizuar dr. Afrim Tahiri, kirurg i përgjithshëm, përgjegjës për funksionalizim të Spitalit të Podujevës.
Lexoni të plotë postimin e SHSKUK-së:
Së shpejti pritet të funksionalizohet Spitali i Përgjithshëm në Podujevë. Ushtruesi i detyrës së drejtorit të përgjithshëm të ShSKUK-së, dr. Valbon Krasniqi, ka autorizuar dr. Afrim Tahiri, kirurg i përgjithshëm, përgjegjës për funksionalizim të Spitalit të Podujevës.
Ai ka për detyrë të bëjë planifikimin e kuadrit profesional, teknik-administrativ dhe pajisjeve medicinale.
Po ashtu, koordinimin, bashkërendimin, monitorimin dhe raportimin e zbatimit të aktiviteteve dhe veprimeve lidhur me funksionalizimin e Spitalit të Përgjithshëm në Podujevë.
Vendimi për themelimin e Spitalit të Përgjithshëm në Podujevë, ishte marrë në vitin 2016 nga ministri i atëhershëm i Shëndetësisë, por nuk ishte funksionalizuar deri tani. /Telegrafi/
