Site icon Telegrafi

Krasniqi fillon vizitën në SHBA, bën homazhe të varrezat e ushtarëve amerikanë

Kryetari i PDK-së Memli Krasniqi ka filluar vizitën e tij në SHBA me homazhe në varrezat e Arlingtonit.

“Ishte e pashmangshme që, para se të nisë takimet zyrtare në SHBA, të nderoj ushtarët amerikanë në varrezat nacionale të Arlingtonit – të cilët ndër shekuj ranë për liri dhe demokraci”, ka shkruar Krasniqi.

Krasniqi thotë se liria nuk është falas dhe sipas tij këtë e dinë më së miri amerikanët.

“Siç e mëson çdo brez, liria nuk është falas. Këtë e dijnë amerikanët, por e dijmë mirë edhe ne shqiptarët. Gjithçka që kemi sot është falë sakrificës sublime të heronjve tanë”.

Ai ka falënderuar ushtarët amerikanë për kontributin e tyre që kanë dhënë dhe japin për Kosovën.

“Faleminderit mijëra ushtarëve amerikanë të cilët ndër vite, por edhe sot, vazhdojnë të kontribuojnë për paqen dhe stabilitetin në vendin tone”.

“Dëshmorët janë themeli i shtetit të Kosovës, i Amerikës, i Botës së Lirë. Lavdi!”, ka shkruar tutje Krasniqi./Telegrafi/

Exit mobile version