Artur Krasniqi, pastor nga Kisha Protestante Ungjillore e Kosovës theksoi se krishtlindja është ajo që i bashkon krishterët.
“Krishterët po festojmë këtë ditë që është shumë me rëndësi për të krishterët. Edhe në Kosovë ne po festojmë”, tha ai sot në RTK.
Sipas tij, festat në përgjithësi kanë marrë formën komerciale.
“Lindja e Jezu Krishtit ishte ngjarje e madhe në botë. Ky ishte lajm i madh në botë. Ky ishte lajmi më i madh që kishte ardhur në botë, ishte shpresë për të gjithë njerëzit e botës”, deklaroi ai.
Krasniqi tha se kjo festë i bashkon njerëzit. “Perëndia nuk i ndan njerëzit. Ajo i bashkon të gjithë”, pohoi ai.
Ai bëri me dije se tani janë 22 kisha ungjillore. ” Ne veprojmë në bazë të ligjit. Tani jemi në kuadër të bashkësive që janë lejuar në Kosovë”, theksoi ai.