Komisioni Qendror i Zgjedhjeve, në mbledhjen që ka mbajtur sot ka ndarë 350 mijë euro për mbështetjen e subjekteve politike për muajin mars. Shuma për subjektet politike ndahet sipas numrit të ulëseve që kanë në Kuvendin e Kosovës.
Për Lëvizjen Vetëvendosje që kanë 29 deputetë, shuma e ndarë është 76,125.00 euro, për Lidhjen Demokratike të Kosovës të cilët kanë 28 deputetë, shuma e ndarë është 73,500.00 euro. Ndërsa, për Partinë Demokratike të Kosovës, të cilët kanë 24 deputetë në Kuvendin e Kosovës, shuma e ndarë është 63,000.00 euro. Aleanca për Ardhmërinë e Kosovës me 13 deputetë ka fituar 34,125.00 euro.
Në mbledhjen e KQZ-së, u bë e ditur se për Nismën Socialdemokrate e cila ka 6 deputetë janë ndarë 15,750.00 euro /Telegrafi/