Në mbledhjen e mbajtur sot, Komisioni Qendror Zgjedhor, ka caktuar afatin zgjedhor për deklarimin e koalicioneve.
KQZ vendosi që 30 gushti të jetë data e fundit për deklarim të koalicioneve, përcjell Telegrafi.
Ndryshe në këtë mbledhje është caktuar edhe koha për fushatën zgjedhore për zgjedhjet e parakohshme.
Kryetarja e këtij komisioni Valdete Daka ka thënë se fushata zgjedhore fillon me 25 shtator dhe përfundon me 4 tetor.
Ndërsa për realizimin e zgjedhjeve në këtë komision u tha se nevojiten rreth 6 milionë euro./Telegrafi/