Mlladen Milinkovic ditë më parë është shkarkuar nga posti i trajnerit të Kukësit.
Skuadra verilindore shqiptare ende është pa trajner dhe se vendimi do të merret shumë shpejt pasi që skuadra për përgatitje do të udhët drejt shtetit turk.
Mediat shqiptare raportuan se pasardhës i trajnerit serb mund të jetë gjakovari Ardian Kozniku, i cili në të kaluarën ka drejtuar skuadrën e Shkëndijës së Tetovës.
Telegrafi ka kontaktuar ish-reprezentuesin kroat, i cili ka zbuluar se nuk ka marrë asnjë ofertë konkrete, por që nëse i bëhet një i tillë, nuk do ta refuzonte.
“E respektoj interesimin e klubit të Kukësit, por unë nuk kam marr ndonjë ofertë zyrtare. Nëse më bëhet një e tillë, do ta pranoja me kënaqësi dhe me gjithë zemër. Por, derisa nuk ka oferte serioze nuk mund të them asgjë. Unë për momentin punoj dhe veproj në Kroaci”, ka thënë 50-vjeçari.
Kujtojmë se Kozniku ka fituar medaljen e bronztë me kombëtaren e Kroacisë gjatë kampionatit botëror të vitit 1998.
Ndryshe, gjatë karrierës së futbollist ka veshur fanellat Hajdukut, Bastias, Le Havres dhe Prishtinës. /Telegrafi/