Pas shpalljes së vetos nga presidenti bullgar Rumen Radev për Maqedoninë, kryeministri Dimitar Kovaçevski u përgjigj se Maqedonia po negocion me BE-në, jo me Bullgarinë, përcjell Telegrafi Maqedoni.
“Aktualisht jemi në gjendje të vetos. Me zgjidhjen që arritëm me shumë përpjekje ta fusim në kornizën e negociatave, negociatat do të fillojnë vetëm pasi bullgarët të hyjnë në kushtetutën e fqinjit tonë. Ata ende nuk janë regjistruar dhe negociatat nuk kanë filluar. Është në gjendje të vetos”, tha Radev.
Kryeministri Dimitar Kovaçevski thotë se pas skriningut të deritanishëm, Maqedonia në një nga udhërrëfyesit do të konfirmojë se të drejtat e pakicave në vend janë në nivel shumë më të lartë se shumë vende anëtare të BE-së.
“Ne kemi edhe ligje për ushtrimin e të drejtave të komuniteteve më të vogla. Kemi edhe një ministri për këto çështje. Prandaj, konsideroj se kërkesa e asnjë politikani nuk paraqet problem sepse të drejtat që kanë të gjithë nënindividët dhe grupet janë në nivel më të lartë se shumë shtete anëtare të BE-së.
Nuk do ta komentoja Bullgarinë sepse janë në mes të zgjedhjeve dhe prej andej bëhen deklarata të ndryshme për hir të pikëve politike. Le të mbarojnë zgjedhjet dhe ne do të flasim. Por ne nuk po negociojmë me Bullgarinë, por me Brukselin”, tha Kovaçevski./Telegrafi/