Kryeministri i Qeverisë së RMV-së, Dimitar Kovaçevski, në një intervistë për televizionin shtetëror serb “RTS”, duke folur për Iniciativën “Ballkani i Hapur”, theksoi përfshirjen e Qeverisë aktuale në fillimet e krijimit të këtij bashkëpunimi rajonal me të vetmin qëllim siç tha, rritja e bashkëpunimit ekonomik në drejtim të arritjes mbi të gjitha të rrugës së tre vendeve drejt Bashkimit Evropian.
Kovaçevski theksoi se “Ballkani i Hapur” e arrin qëllimin e tij, që është t’i tregojë Evropës se vendet e rajonit mund të bashkëpunojnë me njëri-tjetrin, duke zbatuar katër liritë mbi të cilat bazohet Bashkimi Evropian: lëvizjen e lirë të kapitalit, njerëzve, mallrave dhe shërbimeve.
“Tashmë kemi marrëveshje që janë zbatuar në fushën e vendosjes së lëvizjes së lirë, pra me vetëm një kontroll, në lidhje me kontrollet fitosanitare, veterinare dhe kontrollet e tjera të sigurisë së produkteve ushqimore që udhëtojnë ndërmjet tre vendeve, gjë që nuk ishte e mundur më parë. Së dyti, tashmë është nënshkruar një marrëveshje ndërlidhjeje për portalet kombëtare, e cila, së bashku me marrëveshjen për njohjen e diplomave dhe marrëveshjen për lëvizjen e lirë të punëtorëve, ka bërë të mundur sot pa procedura shtesë për punëtorët nga të tre vendet që të punojnë lirshëm dhe pa pengesa administrative në kompanitë e vendosura në këto vende”, tha Kovaçevski.
Rezultat konkret i këtij bashkëpunimi, theksoi Kovaçevski, është edhe “Panairi i vizionit të verës në Ballkanin e Hapur”, i cili ditët e fundit mbahet në Beograd dhe i cili nuk do të realizohej po të mos ishte iniciativa e tre vendeve nga Ballkani Perëndimor.