Ajo shpesh e gjen veten ‘të sulmuar’ në rrjetet sociale, dhe së fundmi iu desh t’i hidhte poshtë pretendimet se është shtatzënë pasi kishte ndarë një fotografi në bikini ditë më parë.
Dhe Kourtney Kardashian ndau së fundmi këshillat e saj për t’u larguar nga gjërat negative me të cilat përballet vazhdimisht në internet.
Ylli televiziv, 41-vjeçe, u bashkua me shokët e saj të ekipit ‘Poosh’ për një bisedë virtuale, ku zbuloi se strategjia e saj për t’u marrë me ngacmimet në rrjetet sociale është ‘t’i vrasë njerëzit me mirësi’.
E ulur në divan me vajzën e saj, Penelope, Kourtney tha se nuk është e lehtë të përqëndrohesh vetëm në gjëra pozitive.
“Unë shoh shumë negativitet, ka aq shumë pozitivitet gjithashtu, dhe unë mendoj se ne priremi më shumë kah gjërat negative. Vërej për veten time … si pyetjet negative më dalin, ku dua t’u përgjigjem atyre njerëzve ndonjëherë edhe më shumë sesa ato pozitive”, ka thënë Kardashian.
Kourtney tregon se si ajo u trajtua kohët e fundit me vërejtje për trupin e saj, pasi postoi një fotografi me bikini, madje ngjalli spekulime se është shtatzënë.
“Nuk është gjithmonë e drejtë, por ju e dini, kam vërejtur që dikush ka lënë një koment ditën tjetër, duke komentuar një foto që postova duke thënë, ‘shtatzënë, shtatzënë, shtatzënë'”, tha ajo.
“Unë komentova përsëri dhe i thashë, ‘Kjo është forma e trupit tim, unë kam fituar disa kile gjatë kësaj kohe karantine, dhe unë e dua trupin tim dhe jam krenare për këtë”.
Kourtney është nëna e Masonit, dhjetë vjeç, Penelope, shtatë vjeç dhe Reign, pesë vjeç.
Ajo ndan tre fëmijët e saj me ish të dashurin, Scott Disick. /Telegrafi/