Fansat e Kourtney Kardashian po pyesin nëse është shtatzënë pasi ajo ka pozuar për foto me një fustan të zi të ngushtë në një postim të radhës në Instagram.
Përditësimi nga themelueses së “Poosh” vjen pasi ajo shijoi një pushim romantik me bashkëshortin e saj të ri Travis Barker.
Duke postuar në Instagram, 43-vjeçarja Kourtney ndau një seri fotosh të kohës së saj të pushimeve dhe 46-vjeçarit Travis në Milano të Italisë.
Në njërën prej tyre, ajo pozoi pranë një dritareje të hapur e veshur me një fustan të zi të ngushtë që e përshtati me një xhaketë lëkure.
Në një tjetër, ajo dhe Travis ecën krah për krah përgjatë një trotuari piktoresk në qytet, shkruan The Sun.
Tjetri imazh tregoi një ekip kamerash që rrethonte zogjtë e dashurisë, me sa duket duke filmuar një seri të re të “The Kardashians”.
Ndërsa shikonin nga afër fotot, disa fansa me sy shqiponjë besuan se mund të dallonin barkun e rrumbullakosur nën fustanin e ngushtë të Kourtney dhe shkuan në seksionin e komenteve për të kërkuar një përgjigjie.
“Shtatzënë?” pyeti njëri prej fansave të saj, teksa një tjetër tha me siguri të plotë: “Ajo është shtatzënë”.
Fotot vijnë tre javë pasi ish-ylli i “KUËTK dhe bateristi i Blink-182 u martuan për herë të tretë në Portofino të Italisë.
Por duket se të porsamartuarit tashmë kanë dëshirë të kenë një fëmijë.
Shikuesit e “The Kardashians” aktualisht po mësojnë për metodat e çuditshme të Kourtney, si pjesë e përpjekjeve të saj për të mbetur shtatzënë me një fëmijë të katërt.
Në episodin e fundit, ajo provoi të hante vezë thëllëzash të ziera.
Teksa u ul për drekë me Steph Shepherd, ajo i tha shoqes së saj: “Më duhet të ha vezë thëllëza çdo ditë për të bërë fëmijë”.
Në një tjetër klip, Kourtney rrëfeu se kishte futur objekte të çuditshme në vaginë e saj ndërsa përpiqej të mbetej shtatzënë me Travis.
Përtej këtyre metodave joortodokse, Kourtney dhe Travis iu nënshtruan gjithashtu trajtimit IVF në përpjekjet e tyre për të mbetur shtatzënë.
Kourtney tashmë ka tre fëmijë: Mason, 12 vjeç, Penelope, nëntë dhe Reign, shtatë vjeç, me ish-in e saj Scott Disick.
Travis gjithashtu ka dy fëmijë, Landon, 18 vjeç dhe Alabama, 16 me ish-in e tij Shanna Moakler. /Telegrafi/