Dasma e Kourtney Kardashian me Travis Barker ishte një ditë plot muzikë, me Andrea Bocellin dhe djalin e tij Matteo të ftuar për të performuar në fillim të pritjes.
Motra më e vogël e Kourtneyt, Kim, ka kapur momentin befasues kur të sapomartuarit kërcenin nën interpretimin e babait dhe djalit të këngës “Can’t Help Falling In Love” para të ftuarve, shkruan DailyMail.
Kim, 41 vjeçe, publikoi në InstaStory të hënën videon ku Kourtney, 43 vjeçe, dhe bashkëshorti i saj i ri Travis, 46 vjeç, u zhytën plotësisht në një moment intim, duke shkëmbyer një puthje të ngadaltë teksa ndjesia e operës Andreas joshë turmën.
Nuk dihet nëse ky ishte kërcimi i parë zyrtar i çiftit, megjithëse sipas Revistës People, Andrea dhe 24-vjeçari Matteo performuan gjithashtu “I Found My Love In Portofino” – një shenjë për vendndodhjen e dasmës – dhe këngën e tyre të vitit 2018, “Fall On Me”.
Kourtney dhe Travis dukeshin krejtësisht të dashuruar me njëri-tjetrin, ndërsa bateristi i Blink-182 i mbështjelli krahët me butësi rreth belit të saj gjatë momentit të veçantë.
Nusja ndoqi shembullin e të shoqit, duke ndërthurur duart rreth qafës së tij ndërsa vallëzonin një vals së bashku.
Ceremonia luksoze evropiane e së dielës ishte hera e tretë që nëna e tre fëmijëve dhe Travis “martohen”.
Çifti bëri martesën e tyre të parë të vogël në Los Angeles pas përfundimit të ‘Grammy Awards’ muajin e kaluar dhe u martuan ligjërisht të dielën e kaluar në Santa Barbara, Kaliforni.
Nusja 43-vjeçare ndërroi minifustanin e bardhë që kishte veshur në ceremoninë e martesës duke veshur një tjetër version të zi të fustanit.
Ajo i ekspozoi këmbët e saj të gjata ndërsa burri i saj Travis u ul në gjunjë për të hedhur llastik në një video të postuar nga vajza e tij 16-vjeçare Alabama.
Ndërsa Kourtney u ul në një mur përballë një muri të zbukuruar me drita vezulluese të kuqe, burri i saj hoqi rripin e llastikut nga këmba e saj me dhëmbë dhe ia hodhi një turme beqarësh.
Muzikanti u pa më vonë me krahët e tij të mbështjellë rreth nënës së tre fëmijëve nga pas, ndërsa ata kërcenin ngadalë në klasiken e Etta James të vitit 1960, “At Last”. /Telegrafi/
