Nuk ka përkeqësim të gjendjes së të lënduarve në aksidentin rrugor në autostradën Shkup-Tetovë, të cilën janë shtruar në spitalin e përgjithshëm të qytetit “8 shtatori”, tha drejtori Hristijan Kostov.
Ai tha se dy të plagosurit që janë në gjendje kritike janë të moshës 40 dhe 50 vjeç dhe kanë lëndime në tru, gjakderdhje intracerebrale dhe janë nën kontrollin e një neurokirurgu.
“Tani për tani ata janë në një gjendje të qëndrueshme. Si do zhvillohen pamjet klinike nuk e dimë, koha do të tregojë. Pacienti më i ri në moshën 15 vjeç është operuar mbrëmë dhe është në gjendje të mirë”, tha Kostov.
Nga 28 persona të cilët u shtruan në spitalin “8 shtatori”, gjashtë prej tyre janë lëshuar për mjekim shtëpiak.
Kostov theksoi se ata kanë sasi të mjaftueshme të gjakut dhe se ka njerëz që dhurojnë gjak vullnetarisht./Telegrafi/