Zëdhënësi i LSDM-së, Kostadin Kostadinov në konferencë për shtypa tha se “kjo periudhë është e rëndësishme për shtetin”.
“LSDM vazhdon të udhëhiqen nga këto tre parime kyçe. E para është mbrojtja e shëndetit të qytetarëve, e dyta është transformim i shpejtë i ekonomisë dhe faza e tretë është institucione funksionale – garanci për demokraci të fortë”, tha Kostadinov, njofton Telegrafi Maqedoni.
Kostadinov thotë se sipas të dhënave zyrtare, mund të thuhet se epidemia është nën kontroll dhe se shteti dhe shoqëria mund ta jetojnë normalitetin e ri.
“Për transformim të ri dhe të shpejtë të ekonomisë dhe institucione funksionale që garantojnë demokraci të fortë nevojiten zgjedhje në terminin e parë të mundshëm. Zgjedhjet e parakohshme kuvendare që u caktuan dhe u anuluan, duhet të mbahen në terminin e parë të mundshëm, ndërsa fushata parazgjedhore duhet të jetë sipas protokolleve shëndetësore”, tha Kostadinov.
Sipas Kostadinov, afatet për proces zgjedhor vazhdojnë menjëherë pas përfundimit të gjendjes së jashtëzakonshme ndërsa KSHZ, sipas Kostadinov, pas përfundimit të gjendjes së jashtëzakonshme duhet t’i përfundojë detyrat e veta dhe në afat prej 22 ditësh të mbahen zgjedhjet./Telegrafi/
