Site icon Telegrafi

Kosovare Asllani thyen rekord dhe hyn në histori të Real Madridit, shënon het-trik brenda tre minutave

Shkumbin Pireva

Futbollistja shqiptare, Kosovare Asllani po vazhdon shkëlqimin dhe golat me ekipin e femrave të Real Madridit, ndërsa sot (e shtunë) ka shënuar het-trik.

Ekipi i femrave të Real Madridit ka arritur të triumfojë në shtëpi ndaj Valencias me rezultat 3-1.

‘Heroina’ e Los Blancos ishte futbollistja shqiptare, Kosovare Asllani, e cila ishte e papërmbajtshme duke shënuar het-trik.

Asllani arriti të thyej rekord dhe të hyjë në histori si femra e parë që shënon het-trik për fanellën e ekipit të femrave të Realit.

Het-triku i reprezentueses shqiptare të Suedisë erdhi për vetëm tre minuta me golat që erdhën në minutat 67’, 68’ dhe 70’.

Goli i parë i Asllanit ishte brilant nga gjuajtja e lirë, ndëra dy golat tjerë erdhën nga loja e hapur.

Me këtë fitore, ekipi i femrave të Real Madridit ngjitet në pozitën e dytë, ndërsa Kosovarja shkon në kuotën e 12 golave këtë sezon. /Telegrafi/

 

 

 

 

 

Exit mobile version