Kosova e ka zhvilluar stërvitjen e fundit në Antalia para miqësores së radhës kundër Gambisë.
Edhe gjatë kësaj stërvitje futbollistët kanë punuar me zell të madh, teksa kanë aplikuar në praktikë të gjitha instruksionet e përzgjedhësit Bernard Challandes.
Ndeshja me Guinenë i ka shërbyer ekipit që të jetë më kompakt dhe tani pritet që lëshimet e bëra në ndeshjen paraprake të evitohen, në mënyrë që të nxirret rezultat pozitiv, edhe pse Gambia vlerësohet si një ekip që luan taktikisht mjaft mirë dhe nuk hapet shumë gjatë lojës.
Gjithsesi, atmosfera dhe harmonia brenda ekipit të Dardanëve është e mirë dhe të gjithë presin që në ndeshjen e nesërme të japin maksimumin e tyre dhe të bëjnë paraqitje sa më të mirë, thuhet në njoftimin e FFK-së.
Ndeshja zhvillohet nesër mbrëma nga ora 19:00. /Telegrafi/
