Aspak i lehtë rrethi elitë për Kombëtaren e Kosovës U17, e cila në tetor të këtij viti u kualifikua për këtë rreth.
Sot në Nyon të Zvicrës, u tërhoq shorti për rrethin elitë të Kampionatit evropian 2018/2019.
Kosova po përfaqësohet nga drejtori për marrëdhënie me jashtë dhe ekipeve kombëtare Artan Govori dhe drejtori teknik, Michael Ness, të cilët kanë mësuar kundërshtarët e saj.
Kosova U17, e cila ndodhet në grupin e 5-të, në këtë rreth do të ballafaqohet me Spanjën e cila është edhe organizatore e këtyre ndeshjeve që do të zhvillohen prej 20 deri më 26 mars 2019 me Ukrainën dhe me Greqinë.
Duhet shpresuar se ky grup i futbollistëve të rinj do të bëjnë çmos që të shkojnë tutje në evropian.
Edhe U21 kanë mësuar kundërshtarët e radhës për kualifikimet e Kampionatit Evropian.
Përfaqësuesja jonë e grupmoshave të reja do të ballafaqohen me Shqipërinë, Anglinë, Austrinë, Turqinë dhe Andorrën. /Telegrafi/