Kosova U-21 ka filluar përgatitjet në Antalia të Turqisë, ku do të qëndrojë për disa ditë në kuadër të Kampit stërvitor për ciklin e ardhshëm kualifikues.
Për herë të parë Dardanët nën 21 vjeç janë duke u drejtuar nga përzgjedhësi Afrim Tovërlani.
Gjatë qëndrimit në Antalia, Kosova U-21 do të stërvitet nga dy herë në ditë.
Ndërkaq, krahas stërvitjeve pritet të zhvillojë edhe ndonjë ndeshje testuese, në mënyrë që përzgjedhësi i ri ta shohë formën e lojtarëve të grumbulluar.
