Sonte në emisionin “Përballje” është diskutuar për gjendjen në futbollin e Kosovës.
Ibër Alaj, drejtor i sportit në Ministrinë për Kulturë, Rini, Sport tha se stadioni olimpik “Adem Jashari” do të jetë i gatshëm për ndeshje ndërkombëtare në në muajin qershor.
“Mendojmë që stadioni olimpik Adem Jashari, do të adaptohet që në Qershor të jetë i gatshëm dhe ndeshja e parë do të të luhet dhe do ta bëjmë me standarde”, ka thënë Alaj.
Sipas tij Ministria e Sportit në vazhdimësi po punon që përmirësojë infrastrukturën e sportit e në vecanti atë të futbollit.
“Jemi duke investuar në të gjitha komunat e Kosovës, në stadiume, në terene të fushave ndihmëse, kështu që sa i përket edhe ndërtimit të stadionit nacional shpresojmë që në vitin 2019 ta kemi stadionin nacional të ndërtuar”, ka deklaruar Alaj në emisionin “Përballje” të transmetuar në RTV Dukagjini. /Telegrafi/
