Nëse nuk do të arrihet të miratohet buxheti i vitit të ardhshëm sipas afateve të parapara, do të rrezikohen afër 200 mijë qytetarë të mbesin pa të ardhura.
Kjo, sepse Qeveria në detyrë nuk ka të drejtë të marrë vendime pa miratim të Kuvendit për ekzekutim të buxhetit. Zyrtarët e Ministrisë së Financave kanë pranuar se qeveria mund të ekzekutojë pagesa vetëm dy muajt e parë të vitit të ardhshëm, shkruan Kosova Sot.
“Afati i fundit ligjor për aprovimin e buxhetit për vitin e ardhshëm është 31 dhjetori këtij viti. Në bazë të Ligjit mbi menaxhimin e financave publike dhe përgjegjësitë dhe në bazë të Ligjit mbi buxhetin e vendit në rastet kur në Kuvend nuk aprovohet buxheti, atëherë qeveria për çdo muaj mund të alokojë 1/12 e buxhetit të tërësishëm të vitit paraprak vetëm për muajt janar dhe shkurt për vitin pasues”, thuhet në përgjigjen e zyrtarëve të Ministrisë së Financave. /Telegrafi/