Pas shumë vjetësh që ishte jashtë funksionit, është përuruar funksionalizimi i bifurkacionit të lumit Nerodime në Ferizaj.
Fenomeni natyror ku Lumi Nerodime ndahet në dy degë, të cilat nuk bashkohen më kurrë, u përurua në një ceremoni në Ditën botërore të mjedisit.
Kryeministri i vendit, Isa Mustafa, ka folur për rëndësinë e Bifurkacionit, si element i rëndësishëm për zhvillimin e turizmit.
Kurse, ministri i Mjedisit, Ferid Agani, ka bërë të ditur se vitin e kaluar kanë marrë vendim me të cilin kanë shpallur nën mbrojtje paraprake zonën e Bifurkacionit.
Gjatë paradites, kryeministri Mustafa mori pjesë përurimin e rrugës që lidh fshatrat Zllatarë e Dardani me magjistralen Ferizaj-Gjilan.
