Prokuroria Speciale e Britanisë së Madhe (CPS), do të apelojë një vendim të autoriteteve kosovare që kanë refuzuar të ekstradojnë një prift britanik të akuzuar për abuzim me fëmijë, raporton KTV.
Laurence Soper ishte arrestuar dhe ishte marrë në pyetje në Itali më vitin 2010 pasi që që një viktimë ishte ankuar në polici se ishte abuzuar nga ai. Ai u lirua dhe nuk u akuzua për asnjë krim.
Kur autoritetet britanike e morën në pyetje në vitin 2011, por ai u zhduk nisi një kërkim i madh evropian, përderisa nuk u gjet në Pejë, këtë vit. Londra kërkoi ekstradimin e tij në Britani, por një gjykatë kosovare e bllokoi pasi që me ligjin e Kosovës akuzat për abuzim me fëmijë, disa prej të cilave datojnë që nga viti 1970 – tashmë kanë skaduar.
“Ne jemi të lumtur që një prokuror në Kosovë e ka apeluar vendimin e gjykatës për këtë rast. CPS dhe të tjera agjenci do të bëjnë krejt çka munden që ky individ të ekstradohet në Kosovë pas kërkesës së qeverisë së Britanisë së Madhe”, ka thënë një zëdhënëse e Prokurorisë në Londër.