Vizita e zëvendëspresidentit amerikan, Joe Biden në Kosovë, ka zënë vend në mesin e fotografive më të mira që ka përzgjedhur Shtëpia e Bardhë për vitin 2016, në të cilat shfaqen momente të rëndësishme të administratës së Presidentit amerikan Barack Obama.
Shtëpia e Bardhë ka publikuar fotoalbumin si përmbledhje për vitin që po e lëmë pas, në të cilin shihet edhe një fotografi e realizuar në Kosovë, ku shihen anëtarët e familjes Biden, teksa kalojnë autostradën në ceremoninë e dedikimit për një rrugë e cila ishte emëruar nga Qeveria e Kosovës në nderim të Joseph R. “Beau” Biden në shenjë e respektit për kontributin e Beaus në Kosovë.
Më poshtë mund të shihni 23 fotografitë më të mira të Obamës dhe Bidenit nga aktivitetet në Shtëpinë e Bardhë, por edhe takime me personalitete të ndryshme.
Aty është përfshirë edhe fotografia e vizitës së familjes së Joe Biden më 17 gusht në Ferizaj.
Në faqen e Facebookut zyrtar të Shtëpisë së Bardhë mund të shihni 23 fotot e përzgjedhura për vitin 2016:
