Kosova U-21 ka mësuar sot shortin për kampionatin botëror të hendbollit Spanja 2019.
Mirëpo, ajo që nuk pritej ndodhi në hedhjen e shortit.
Në publikimin e emrit Kosovë në shortin e hedhur, kombëtarja jonë përfaqësohet me logon e Federatës së Hendbollit të Kosovës, dhe jo me flamurin tonë.
Kombëtarja e Kosovës🇽🇰 U-21 në hendboll🤾♂️ ka mësuar shortin për Kampionatin Botëror #Spanja2019. Djelmoshat tanë ndodhen në grupin C, bashkë me Portugalinë🇵🇹Hungarinë🇭🇺Kroacinë🇭🇷Brazilin🇧🇷 dhe Bahrainin🇧🇭
@ihf_info @EHFEURO @kosovanfooty @imageofkosovo pic.twitter.com/wHWjGbwLqJ
— NOC KOSOVO 🥇🥇🥇 (@NOCKOSOVO) May 21, 2019
Por sekretari i përgjithshëm i Federatës së Hendbollit të Kosovës, Izet Gjinovci ka deklaruar për KosovaPress se FHK ka reaguar menjëherë dhe shumë shpejtë pritet që drejtuesit e Federatës Ndërkombëtare të Hendbollit të ndërhyjnë.
“ Po e kemi parë, në atë mënyrë kanë vendosur që të na prezantojnë. Ne kemi reaguar menjëherë tek Federata Ndërkombëtare e Hendbollit dhe presim që ata të reflektojnë dhe ta ndryshojnë. Tashmë dihet arsyeja se pse kjo ka ndodh, pasi që Spanja nuk na njeh”, është shprehur Gjinovci.
Botërori mbahet në muajin korrik në Spanjë, vend ky që e kundërshton fuqishëm Pavarësinë e Kosovës.