Përfaqësuesja e Kosovës në hendboll ka pësuar humbje (25-18) edhe në ndeshjen e dytë përballë Bosnjë e Hercegovinës, kësaj radhe në udhëtim
Lufta e madhe në mbrojtje nuk mjaftoi për të marrë rezultat pozitiv në takimin e zhvilluar në palestrën Mejdan në Tuzlla.
Dardanëve u kushtuan gabimet e shumta në sulm, përkatësisht humbja e shumë gjuajtjeve nga pozita të mira.
Po ashtu, nuk mjaftuan as 15 pritjet fantastikë të Haris Berishës.
Bosnja triumfoi të mërkurën edhe në Prishtinë me rezultat 25-22, ndërsa Dardanët ishin angazhuar që të bëjnë reagimin e duhur në sfidën kthyese, por nuk ia dolën.
Tutje në eliminatoret për ‘Euro 2024’, Kosova do të luajë edhe dy ndeshje, në shtëpi me Malin e Zi dhe në udhëtim me Slloveninë. /Telegrafi/
