Për vendimin e FIFA-s që Kosova të vendoset në Grupin I, për eliminatoret në kampionatin botëror “Rusia 2018”, kanë raportuare dhe mediat më të fuqishme ndërkombëtare.
Një nga gazetat britanike, Daily Mail, shkruan se për shkaqe sigurie, Kosova nuk është vendosur që të jetë në të njëjtin grup me Bosnje e Hercegovinën.
Gazeta rikujton se në grupin ku është vendosur Kosova, vetëm Ukraina nuk e ka njohur pavarësinë, ndërkohë që në Grupin H ku është Bosnja dhe Hercegovina, është vendosur Gjibraltari, i pranuar të njëjtën ditë me Kosovën në FIFA, transmeton Lajmi.net.
Për vendosjen e Kosovës në Grupin I, ka raportuar edhe agjencia e madhe e lajmeve Reuters, duke rikujtuar se kjo ndodh pasi vendi u bë anëtar më të drejta të plota në UEFA e FIFA
Agjencia raporton se Kosova është vendosur në atë grup duke shmangur ballafaqimet në grupet ku është Serbia dhe Bosnje e Hercegovina.
Reuters rikujton se Kosova mundi Ishujt Faroe së fundi në një ndeshje miqësore, ndërkohë që eliminatoret për kampionatin botëror “Rusia 2018” do të fillojnë në muajin shtator.
Për këtë vendim të FIFA-s ka raportuare dhe agjencia e lajmeve Associated Press dhe shumë media të ndryshme sportive si Sky, AFP etj.