Përfaqësuesja e Kosovës ka mbajtur sot (e shtunë) mbrëma stërvitjen e fundit para takimit kualifikues me Suedinë në kuadër të Kupës së Botës “Katar 2022”.
Dardanët presin Suedinë në stadiumin “Fadil Vokrri” nga ora 20:45 në ndeshjen hapëse për Kosovën, të vlefshme për Grupin B.
Para kësaj ndeshje, djelmoshat e Bernard Challandes kanë zbarkuar sonte mbrëma në stadiumin ‘Fadil Vokrri’ dhe kanë mbajtur stërvitjen e fundit.
Stërvitja e nisur pas konferencës për shtyp u karakterizua me ngrohje të muskujve, vrapime të lehta, goditje dhe provimin e disa skemave.
Interesimi i mediave vendore ishte në nivel për të stërvitje, ndërsa u vërejt atmosfera e mirë në grup mes lojtarëve.
Të gjithë lojtarët u panë në nivel të mirë fizik dhe mbyllen pa probleme stërvitjen e fundit. /Telegrafi/
