Spektakli i njohur “Miss Kosova” i cili u mbajt në shtator të këtij viti zgjodhi përfaqësuese vajzën nga Argjentina, Camila Barraza për në “Miss Universe”, dhe Andina Purën në “Miss Earth 2016”.
Por te kjo e fundit, mesa duket ngjarjet nuk kanë ecur edhe aq mirë.
Është bërë e ditur që në fillim se bukuroshes kosovare do t’i shkaktohet probleme për dokumenta, gjersa kjo duket të ketë qenë arsyeja që ajo nuk ka arritur të jetë pjesë e garës “Miss Earth 2016”, e cila u mbajt të shtunën e kaluar në Filipine.
Emri i konkurrentës nga Kosova nuk ka figuruar as në listat e pjesmarrësve, gjersa kjo na dërgon drejt dyshimeve se ajo nuk ka shkuar fare atje.
Kosova ka vite që përcjellet nga të njejta peripeci, pasi në të shumtën e rasteve pasaportat e misseve kosovare janë refuzuar nga shtetet e mëparshme, në të cilat janë zhvilluar kompeticionet e bukurisë si Rusia apo Filipinet.
Mesa duket ëndërra e 18 vjeçares nga Gjakova ka përfunduar me titullin “Miss Earth Kosova 2016”. /Telegrafi/
