Por, Kosova s’është në pozitën më të keqe në këtë listë karshi vendeve të rajonit. Kur është puna për kushtet për të nisur një biznes të ri, Bosnja e Hercegovina ndodhet në vendin e 160-të, në konkurrencë me 183 vende të botës.
Këto janë rezultatet e hulumtimit më të ri të Bankës Botërore, e cila për të hulumtuar përdori tre kritere – barrierat administrative dhe procedurat, kohën e nevojshme për të nisur një biznes dhe shpenzimet e përgjithshme.
Sipas raportit të Bankës Botërore, në Bosnje e Hercegovinë duhen të kalohen 12 procedura për nisjen e një biznesi, duhen për këtë 60 ditë, kurse shpenzimet për regjistrimin e firmës kapin 540 euro.
Nga vendet e rajonit, Shqipëria radhitet në vendin e 45-të, Kroacia 56-të, kurse Serbia në vendin e 83-të nga 183 shtetet, saktëson raporti i publikuar nga portali ‘24.sata, raporton Ekonomisti. Kosova në raportin e vjetshëm të Bankës Botërore ishte radhitur në vendin e 118-të, por sivjet ka rënë në pozitën e 119-të në botë.
Është interesant se Maqedonia ndodhet në vendin e 5-të në botë. Në këtë shtet regjistrimi i firmës së re bëhet në një vend, procedurat zgjasin tre ditë, kurse shpenzimet e përgjithshme kapin gjithsej 78 euro.
Sipas raportit të Bankës Botërore, për nga kushtet e afarizmit BeH ndodhet në vendin e 110-të në botë, Maqedonia në vendin e 38-të, Mali i Zi 66, Kroacia 84, kurse Serbia në vendin e 89-të. /Telegrafi/