Në të gjitha vendet e Ballkanit, "ligji" jep e merr nën dorë praktikisht pranohet nga të gjitha shtresat e popullsisë. Në renditjen e listës së ekspertëve të Transparency International (TI) këto vende janë si të thuash në garë midis tyre për vendin më të keq në Evropë. Në Serbi vitin e kaluar, sipas TI-së një në pesë qytetarë ka përdorur ryshfetin. Në Bullgari, një vend anëtar i BE-së, sipas të dhënave të "Qendrës për Studimet e Demokracisë" madje një në katër vetë përdor ryshfetin.
Përpara katër vjetësh pikërisht në Fakultetin e Juridikut në Kragujevac të Serbisë u zbulua një aferë e madhe. Dhjetë profesorë u arrestuan nën akuzën se kishin shitur diploma, ndër ta edhe dekani, një ish-gjyqtar i Gjykatës Kushtetuese dhe një ekspert në çështjet e kriminalitetit të organizuar. Deri më sot të gjithë të akuzuarit janë të lirë dhe asnjëri nuk është dënuar.
Në Kroaci përmes aferës kriminale "librezat e studimit" në fund të vitit 2008 u bë publike "lista e çmimeve" në universitete. Një provim i thjeshtë mund të kalohet me 70 euro, ndërsa provimi më i vështirë mund të merret me sukses nëse paguan 1390 euro.
Nëse do të blesh dy provime të vështira në "një paketë" përfiton një skonto, duke paguar vetëm 2100 euro. Prej vitesh ka spekulime dhe të dhëna, se mjekët grekë, që sot kanë pozicione të rëndësishme, i kanë kaluar provimet e tyre në Universitetin e Nishit në Serbi. /dw/telegrafi/