Kori Siparantum po shënon suksese të jashtëzakonshme në skenën e muzikës ndërkombëtare.
Ata padyshim janë një nga ansamblet kryesore bashkëkohore shqiptare.
Turne koncertesh në shumë vende evropiane dhe ftesat në festivale kryesore muzikore e kanë bërë ansamblin si ambasador kulturor për Republikën e Kosovës.
Këtë herë Kori Siparantum po bëjnë një tjetër hap madhor në skenën ndërkombëtare.
Me datën 10 shkurt, Kori Siparantum do të ngjitet në skenën më të rëndësishme të muzikës në botë, BERLIN PHILHARMONIE.
Filharmonia e Berlinit i përkushton për herë të parë një koncert të plotë muzikës nga Kosova, me ftesën për Korin Siparantum.
Gjithë bashkatdhetarët shqiptarët që jetojnë në Gjermani, kanë mundësinë që të shijojnë këtë koncert madhështor të Korit Siparantum.
Kështu kanë bërë të ditur Kori Siparantum përmes një postimi në faqen e tyre në Facebook teksa kanë falënderuar Ministrinë e Kulturës, Rinisë dhe Sportit Komuna Pejë, Ambasadën e Gjermanisë në Prishtinë, Ambasadën e Zvicrës, dhe Ambasadën e Republikës së Kosovës në Gjermani/Botschaft der Republik Kosovo, Choral Space.
Në postimin në Facebook gjithashtu janë publikuar detajet rreth mbajtjes së koncertit dhe ‘linku’ për blerjen e biletave. /Telegrafi/