Zbulimi i rasteve të reja me coronavirus në dy studentë vonoi rihapjen e shkollave të Koresë së Jugut, duke detyruar 75 shkolla të mesme të largonin nxënësit në mes të frikës se ishte e pasigurt për të rinisur mësimin.
Disa studentë u dërguan në shtëpi, pasi dy studentë të shkollës së mesme rezultuan pozitivë, tha ministria e arsimit, shkruan Reuters.
Fillimi i semestrit të pranverës ishte shtyrë disa herë që nga muaji mars pasi Koreja e Jugut luftoi me shpërthimin e parë të madh të coronavirusit jashtë Kinës, transmeton Telegrafi.
Por me rastet e përditshme të coronavirusit që janë në rënie që nga shkurti, shumica e shkollave të mesme të 2.356 të Koresë së Jugut rihapën nën protokollet e reja shëndetësore për të parandaluar përhapjen e sëmundjes.
Të gjitha shkollat do të rihapen në faza midis 20 majit dhe 1 qershorit.
Mësuesit me termometra dhe dezinfektues të duarve mirëpritën studentët në portat e shkollës, duke kontrolluar çdo student për shenjat e mundshme të coronavirusit. /Telegrafi/