Udhëheqësi i Koresë së Veriut Kim Jong-un nuk iu nënshtrua operacionit ose ndonjë procedurë tjetër mjekësore, tha të dielën një zyrtar i Koresë së Jugut, mes spekulimeve për shëndetin e sundimtarit që vazhdojnë edhe pasi ai u rishfaq publikisht ditët e fundit.
Pyongyang tha të shtunën se Kim Jong-un mori pjesë në përfundimin e një fabrike të plehrave pranë Pyongyang të premten, paraqitja e tij e parë publike pas rreth 20 ditësh, transmeton Telegrafi.
Edhe pse një video nga Koreja e Veriut, ku shihet Kim Jong-un duke buzëqeshur dhe duke pirë duhan, thashethemet u rritën edhe më shumë në lidhje me shëndetin e tij, kur në dorën e tij shihet një vrimë e vogël, që u mendua se iu nënshtrua një operacioni.
Një zyrtar presidencial i Koresë së Jugut, sipas agjencisë zyrtare Yonhap, hodhi poshtë një nga hipotezat më të përhapura në lidhje me diktatorin e Koresë së Veriut: sipas të dhënave nga Koreja e Jugut, Kim Jong-un nuk kishte kryer një operacion në zemër siç ishte raportuar nga media japoneze.
Nuk ishte hera e parë që Kim Jong-un ishte zhdukur nga publiku për një periudhë të gjatë. Në vitin 2014, kur u rishfaq pas një mungese gjashtë javore, ai eci me një patericë dhe përdori një karrocë elektrike disa herë. /Telegrafi/