Efektivët e antidrogës arrestuan të enjten në flagrancë 29-vjeçarin, Deko Hysko, banues në lagjen 13 në Korçë, pasi gjatë kontrollit të ushtruar iu gjet me vete një cigare e përgatitur me një material të ngjashëm me karakteristikat e bimës narkotike cannabis sattiva, me peshë dy gram.
Në pranga ka rënë edhe 20-vjeçari Devis Proko, banues në lagjen 14 në Korçë, pasi edhe këtij iu gjet një sasi lënde e ngjashme me cannabis sattiva, me peshë 1.6 gram. Ndërsa rreth orës 01:30 ë mesnatës u arrestua 22-vjeçari Maril Pano, banues në lagjen 9 në Korçë, pasi gjatë kontrollit në automjetin e tij iu gjet një sasi bime e ngjashme me cannabis sattivën, me peshë dy gram.
Të tre të arrestuarit janë nën akuzë për prodhim dhe shitje të lëndëve narkotike dhe do të procedohen nga Prokuroria e Korçës./Telegrafi/