Sokol Cikalleshi, Endri Çekiçi dhe Zymer Bytyqi ishin protagonistë në fitoren e dytë të Konyaspor kundër Istanbul Basaksehir me rezultatin 2-1.
Mesfushori nga Pogradeci shënoi një gol fantastik në fillimin e pjesës së dytë dhe vendosi baraspeshën, ndërsa në fund e morën skenën dyshja tjetër.
Zymer Bytyqi ishte i përfshirë në një asistim. Reprezentuesi i Kosovës bëri një krosim perfekt për Sokol Cikalleshin.
Sulmuesi kavajas nuk fali dhe me një goditje me kokë e çoi topin në rrjetë, duke i dhënë sërish fitoren skuadrës së tij.
Për 180 minuta sa ka luajtur në këto dy ndeshje, Cikalleshi shënoi dy gola, duke treguar se është në formë të lartë. /Telegrafi/
