“Gërmimi” në telefonin e të dashurit apo të dashurës nuk mund të përfundojë edhe aq mirë. Ose do të gjeni atë çfarë keni kërkuar, ose do të ndiheni keq që e keni spiunuar.
Jeta e fshehtë e partnerit është makthi i çdo personi, por ajo çfarë ka gjetur një vajzë në telefonin e të dashurit të saj ka tejkaluar pritshmërinë, transmeton Telegrafi.
Sikur kjo të mos mjaftonte, kjo fotografi është duke u shpërndarë në rrjete sociale me shpejtësi të madhe, dhe natyrisht se atë e ka postuar në profilin e saj vajza e cila e ka gjetur.
Në këtë fotografi shihet i dashuri i saj duke pozuar para pasqyrës dhe në vend të rrobave ai kishte veshur pampers.
“I dashuri im Jared është gjithçka për mua. Kemi planifikuar të fejohemi. Mbrëmë derisa po kërkoja në telefonin e tij numrin e një miku, hasa në këtë fotografi. Çfarë të bëj?” ka shkruar kjo vajzë përbri imazhit të postuar.
Edhe pse gjysma e atyre që e kanë parë foton në internet ku shihet i dashuri i saj me pampers nuk kanë mundur të ndalen duke qeshur, disa e kanë cilësuar si të tmerrshme. /Telegrafi/