Emri i markës së Paris Saint-Germain ka marrë tashmë një rritje të madhe për shkak të ardhjes së Lionel Messit në klubin e Ligue 1, pas lëvizjes së tij në një transferim falas nga Barcelona në verë.
Fanellat me emrin e Messit në anën e pasme u shitën menjëherë pasi argjentinasi vendosi lapsin mbi letër në marrëveshje e tij me PSG –në.
Stade Reims mbushi stadiumin e tyre kur u bë e ditur se ish-ylli i Barcelonës do të bënte debutimin e tij atje pasi transferimi i argjentinasit ka shkundur Francën.
Ndërkohë, Dior njoftoi zyrtarisht se PSG do të bëhet klubi i parë i futbollit për të cilin ata do të qepin fanellat dhe rrobat e tyre.
Klubi francez gjithashtu ka siguruar një partneritet të ri me kompaninë Crypto.com, të cilët tashmë bashkëpunojnë me klube të Serie A dhe Formula 1.
Sipas gazetës L’Equipe, marrëveshja trevjeçare e sponsorizimit të Crypto.com do t’i sigurojë PSG-së një të ardhur vjetore të vlerësuar midis 25 dhe 30 milionë euro.
Siç njoftoi PSG në gusht, tarifa e nënshkrimit të Messit përfshin disa nga pagesa me kriptovaluta zyrtare të klubit, nga të cilat çmimi u rrit pas mbërritjes së argjentinasit. /Telegrafi/