Zëvendësministri i Mbrojtjes, Shemsi Syla, është deklaruar se gjithë personat që janë marrë me të dhe kanë bërë spekulime gjoja se janë sekret shtetëror çështja e ushqimit brenda Ministrisë së Mbrojtjes, do të ballafaqohen me Prokurorinë.
Ai ka shtuar se ka qenë kontratë e rregullt çështja e ushqimit brenda Ministrisë së Mbrojtjes.
“Nuk ka qenë kontratë për oriz dhe pasul. Ka qenë kontratë e rregullt me procedurë të rregullt. Ju lutem dispononi dhe gjurmoni gjitha dokumentacionet e mundshme. Për të gjitha procedurat se si kanë shkuar mundeni me i marrë tek organet gjegjëse”, deklaroi në TV Dukagjini Shemsi Syla.
“Të gjitha janë spekulime. Jo nuk është sekret shtetëror çështja e ushqimeve brenda Ministrisë së Mbrojtjes. Nuk e di ku e kanë gjetur këtë term. Me gjithë këta njerëz që shpifin dhe degradojnë integritetin njerëzor dhe institucional, njerëz që punojnë në institucione do të përballen me prokurorinë”, deklaroi tutje Syla.
