Sindikalistët që u përjashtuan nga Lidhja e Sindikatave të Maqedonisë bëjnë të ditur se Gjykata e Lartë ka sjellë vendim për të pranuar ankesën e tyre, duke urdhëruar Gjykatën Administrative që të veprojë sipas propozimeve të tyre, përcjell Telegrafi Maqedoni.
Ky vendim do të thotë se duhet që të zbatohet vendimi i Ministrisë për Punë dhe Politika Sociale që njeh Darko Dimovskin për kryetar ët Lidhjes së Sindikatave të Maqedonisë.
Sindikalistët kërkojnë që Zhivko Mitrevski të tërhiqet, duke e akuzuar se gjatë kësaj periudhe, ai e ka dëmtuar shumë LSM-në.
AIM bën të ditur se këtë vendim e konteston Mitrevski, i cili thotë se është sjellë mbi bazë të dokumenteve jolegjitime dhe vulave të falsifikuara. Ai ka ndërmarrë hapa për të vërtetuar këtë që e thotë./Telegrafi/