Sipas vendimit të Qeverisë së Republikës së Kosovës të emëruarit do t’i ushtrojnë detyrat dhe përgjegjësit e tyre në bazë të Ligjit për Ndërmarrjet Publike.
Bordi i Drejtorëve të PTK sh.a menjëherë pas vendimit të qeverisë ka mbajtur mbledhjen konstituive e cila ka qenë me karakter njoftues.
“Gjithë anëtarët e bordit janë zotuar se do të punojnë në ngritjen e mëtutjeshme të vlerës së PTK sh.a gjatë mandatit të tyre”, bëhet e ditur në një komunikatë për media të lëshuar nga Zyra për Informim e PTK sh.a.
Bazuar në Ligjin për Ndërmarrjet Publike, të gjithë anëtarët e bordit do të kenë mandat tre vjeçar. /Telegrafi/