Edhe pse shumë e konsiderojnë atë një “kasap” dhe një futbollist tepër të ashpër, mbrojtësi portugez Pepe ka vendosur mbrëmë (e mërkurë) një rekord në Ligën e Kampionëve “në skajin tjetër të fushës”.
Gjegjësisht, në fitoren e mbrëmshme të Portos ndaj Antëerp me rezultat 2-0, Pepe u bë golashënuesi më i vjetër në historinë e Ligës së Kampionëve.
Në minutën e parë të minutave shtesë, Francisco Conceicao hodhi topin në zonën e rreptësisë nga ana e djathtë dhe Pepe shënoi me kokë për rezultatin përfundimtar 2-0.
At 40 years old, Pepe is now the oldest player to score a Champions League goal 🏆⚽
Like a fine wine 🍷 pic.twitter.com/BpBzdjODEN
— Sky Sports Football (@SkyFootball) November 8, 2023
Në këtë mënyrë, me 40 vjeç e 254 ditë, portugezi u bë futbollisti më i vjetër që ka shënuar gol në një ndeshje të Ligës së Kampionëve.
Rekordi i mëparshëm ishte italiani legjendar Francesco Totti, i cili shënoi në vitin 2014 në moshën 38 vjeç e 59 ditë.
At 40 years old, Pepe becomes the oldest player to score in the Champions League 🍷 pic.twitter.com/qmdqm63Y5K
— B/R Football (@brfootball) November 7, 2023
Vlen të theksohet se ky ishte një rekord i radhës për Pepen, i cili para disa javësh theu edhe rekordin e legjendarit Alessandro Costacurta, si lojtari më i vjetër që luajti në Ligën e Kampionëve.
Ai e bëri këtë në moshën 40 vjeç e 242 ditë në fitoren ndaj Antëerp me rezultat 4-1, ndërsa ish-mbrojtësi i Milanit paraqitjen e fundit në Ligën e Kampionëve e bëri në moshën 40 vjeç e 208 ditë. /Telegrafi/
Pepe became the oldest player ever to score a #UCL goal 🇵🇹🍷 pic.twitter.com/ibyApAQ6nc
— LiveScore (@livescore) November 8, 2023