Ministri në detyrë i Punëve të Jashtme dhe Diasporës, Glauk Konjufca, ka reaguar ashpër pas lajmit se Qeveria serbe ka marrë vendim që të hap kufirin me Shqipërinë, por jo me Kosovën.
Konjufca ka thënë se hapja e kufijve për shtetet fqinje nga ana e Serbisë duke përjashtuar Kosovën është qasje e opabarabartë dhe diskriminuese.
Ministri në detyrë shkruan se Qeveria e Kosovës e dënon qasjen e tillë të Serbisë karshi Kosovës, ndërkaq thekson se edhe Republika e Kosovës do të përgjigjet reciprokisht kësaj pengese.
“Qeveria e Kosovës dënon qasje e pabarabartë dhe diskriminuese të Serbisë ndaj Kosovës. Serbia ka hapur kufijtë për qytetarët e vendeve të regjionit por jo për qytetarët e Kosovës”, ka shkruar Konjufca në Tëitter.
“Kjo qasje dëshmon edhe një herë se Serbia nuk është e interesuar për normalizimin e marrëdhënieve me Kosovën. Republika e Kosovës do t’i përgjigjet reciprokisht kësaj pengese të Serbisë për qytetarët e Kosovës”, shkruan Konjufca.
Serbia pritet që t’i hap kufijtë për lëvizjen e qytetarëve plotësisht nga 1 qershori për katër vende, Maqedoninë e Veriut, Malin e Zi, Bosnje e Hercegovinën dhe Shqipërinë, edhe pse me këtë të fundit nuk kufizohet. /Telegrafi/
This approach proves once again that Serbia is not interested in normalizing relations with Kosova. The Republic of Kosovo will reciprocally respond to this obstacle of Serbia for the citizens of Kosova.
— Glauk Konjufca (@KonjufcaGlauk) May 13, 2020
The Kosovo government condemns Serbia’s discriminatory and unequal regional approach to Kosovo. Serbia has opened its borders to citizens of all countries in the region, but not to citizens of Kosovo.
— Glauk Konjufca (@KonjufcaGlauk) May 13, 2020