Paul Pogba ka pësuar një lëndim gjatë ndeshjes së të shtunës kundër Evertonit dhe pritet të mungojë disa javë.
Mesfushori francez u detyrua ta lëshonte fushën në pjesën e parë të takimit që u mbyll me rezultat të barabartë (3-3).
Trajneri Ole Gunnar Solskjaer ka thënë për MUTV se Pogba do të mungojë për “disa javë”. Kjo do të thotë se 27-vjeçari do të mungojë në disa ndeshje të rëndësishme në Kupën FA dhe Ligën e Evropës gjatë muajit shkurt.
“Është një lëndim që ka nevojë për disa javë të të shërohet. Ai sapo e ka filluar rikuperimin, është duke punuar me stafin mjekësor dhe do ta kthejmë sa më shpejt dhe më të sigurt që mundemi”.
“Natyrisht që Paul ka qenë shumë i rëndësishëm për ne dhe nuk do të rrezikojmë. Pra, disa javë, padyshim”, ka deklaruar Solskjaer për MUTV. /Telegrafi/
