Federata e Futbollit e Kosovës (FFK) ka konfirmuar ndryshimet e reja në Superligën e Kosovës për edicionin e ri 2019/20.
Sezoni 2019/20 në Superligën e Kosovës pritet të jetë më interesanti deri më tani, pasi FFK ka vendosur t’i konfirmojë ndryshimet e shumëpërfolura.
Në sezonin e ri të Superligës nuk do të ketë më barazh për largim apo mbetje në elitë, ndërsa nga kategoria do të bien direkt katër skuadra.
Nga Liga e parë do të inkuadrohet dy skuadra dhe sezoni i ardhshëm 2020/21 do të zhvillohet me 10 ekipe.
Përveç kësaj, FFK ka njoftuar se në garat evropiane këtë vit do të shkojnë tri klube nga Kosova.
Kampioni i Kosovës do të dalë në kualifikimet e Ligës së Kampionëve, ndërsa nën-kampioni dhe fituesi i Kupës do të luajnë në Ligën e Evropës.
FFK gjithashtu i ka uruar klubet për sezonin e ri, ndërsa i ka bërë thirrje për futboll të ndershëm dhe me përgjegjësi. /Telegrafi/
