Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon nga 1.544 testime, 17 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
MSH njofton se sot janë shëruar 19 qytetarë, derisa numri i përgjithshëm i të shëruarve është 157.589, ndërkaq në total numri i rasteve aktive është 405.
Në 24 orët e fundit janë dhënë 2.025 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.599.372 doza të vaksinës.
Deri më sot 752.365 qytetarë janë vaksinuar me dozën e dytë. /Telegrafi/