Megjithë premtimet e ambasadorit Zhbogar se situata do të merr zgjidhje, vendkalimi kufitar Evzoni në kufirin Maqedoni-Greqi vazhdon të mbetet i mbyllur për shkak të grevës së bujqve grek, përcjell Telegrafi Maqedoni.
Tani për tani, kufiri në Mexhitli, Manastir dhe ai i Dojranit janë të hapur për komunikacion për çdo lloj automjeti motorik, edhe pse u paralajmërua dje se edhe Dojrani do të mbyllet sot.
Përndryshe, komunikacioni në vend zhvillohet në rrugë të thata. Lidhja Auto-Moto porositë shoferët të jenë të kujdesshëm, të përshtatin shpejtësinë e lëvizjes, të respektojnë sinjalistikën dhe të kenë kujdes në gryka malore, ku mund të ketë rrokullisje gurësh.
Drejtimi rrugor Shkup – Brodi Maqedonas, përmes Jasenit, është i kufizuar, ndërkaq rruga Prilep-Manastir-Resnjë është ridrejtuar përmes qarkores në Manastir./Telegrafi/