Asociacioni i Komunave ka kërkuar nga Ministria e Arsimit, Shkencës, Teknologjisë e Inovacionit që sa më parë të nis procesin e shpërndarjes së teksteve mësimore në shkollat e Komunave të Republikës së Kosovës.
Në reagimin publik thuhet se kjo vonesë mund të shkaktoj probleme dhe ngecje në fillimin e mbarë dhe të rregullt të vitit shkollor, transmeton Telegrafi.
“Kjo vonesë tepër e panevojshme mund të shkaktoj probleme dhe ngecje në fillimin e mbarë dhe të rregullt të vitit shkollor. Viti i ri shkollor për çdo vit nis dhe është i planifikuar të nis njëjtën datë. Së këndejmi vonesat e tilla në shpërndarjen me kohë të teksteve mësimore janë të pakuptimta por edhe të papranueshme”, thuhet në reagim.
Asociacioni shton tutje se “asnjë justifikim në këtë vonesë nuk i intereson askujt, e më së paku nxënësve dhe arsimtarëve tanë”.
Ndryshe, MASHT ka konfirmuar ditë më parë për Telegrafin se viti ri shkollor do të nis viti ri shkollor 2023/24.
Zëdhënësja e Ministrisë së Arsimit, Shkencës dhe Teknologjisë, Edona Kutleshi-Maliqaj ka konfirmuar për Telegrafin se procesi mësimor do të fillojë më datën 1 shtator (e premte).
“Viti i ri shkollor do të nis më datën 1 shtator, nuk do të ketë shtyrje. Së shpejti edhe ministrja do ta nënshkruajë udhëzimin administrativ “, ishte shprehur ajo. /Telegrafi/