Nga 38 komunat e Kosovës, ka të tilla që popullsia nuk mbërrin as shifrën e dymijë banorëve.
Sipas numërimit të popullsisë në vitin 2014, nga Agjencia e Statistikave të Kosovës, Komuna që rezulton me popullsinë më të vogël është ajo e Parteshit me vetëm 1,738 banorë, transmeton Koha.net.
Komuna e Parteshit më herët ka qenë pjesë e territorit të Komunës së Gjilanit, por është formuar me procesin e decentralizimit, sipas Pakos së Ahtisaarit, më 19 gusht 2010, pas zgjedhjeve lokale të cilat janë mbajtur më 18 qershor 2010.
E themeluar si Komuna e Parteshit, në statut të Komunës figuron si Komuna Partesh/Pasjan. Territori i pas është 28,6 kilometra në katrorë.
Komuna e Parteshit është e populluar me shumicë serbe dhe nëse do të krijohet Asociacioni i Komunave me shumicë serbe në Kosovë, ajo do të jetë pjesë e këtij organi.