Kryetari i Komunës së Suharekës, Bali Muharremaj ka njoftuar se ka biseduar me kryetarin e Komunës së Pejës, Gazmend Muhaxherin, ku i ka ofruar mbështetje për tejkalimin e gjendjes së krijuar pas vërshimeve.
Muharremaj gjithashtu ka ngushëlluar familjen që ka humbur dy familjarë gjatë ditës së shtunë, transmeton Telegrafi.
“Sapo kam biseduar me Kryetarin e Pejes Gazmend Muhaxheri për gjendjen e rëndë në Pejë. I kam ofruar gjithë mbështetjen tonë për tejkalimin e kësaj situate. Familjeve që humbën të dashurit e tyre ngushllime”, ka njoftuar ai.
Ndryshe, të shtunën në qytetin e Pejës ka pasur vërshime, ku për pasojë dy persona humbën jetën, ndërsa dy të tjerë janë lënduar.
Po ashtu janë shkaktuar edhe dëme të shumta materiale. /Telegrafi/
