Një depozitë e madhe e kanalizimit, e cila gjendet përballë Xhamisë së Llapit në Prishtinë ishte kthyer në një kundërmim të erës së rëndë, si dhe rrezik për këmbësorët, pasi për shkak të dëmtimit të kapakut të saj janë krijuar hapësira të mëdha.
Telegrafi kishte kontaktuar edhe me banorët e kësaj lagje të cilët kanë shprehur shqetësime për hapjet e mëdha të kapakut të kanalizimit.
Ndryshe për problemin në fjalë banori, Gezim Shulemaja, ditë më parë ka thënë për Telegrafin se kanalizimi i cili është dëmtuar është bërë i rrezikshëm edhe për fëmijët, shkruan Telegrafi.
“Ka kohë që është prishur kapaku i kanalizimit dhe askush s’po merret me këtë çështje”, tha ai, duke kërkuar nga Komuna e Prishtinës që të marrin masa të menjëhershme.
Por, ky kanalizim tani është rregulluar. Kjo pasi që pas raportimit të Telegrafit për këtë çështje, komuna e Prishtinës ka rivendosur një kapak të ri tek kanalizimi i cili gjendet tek “Xhamia e Llapit”./Telegrafi/
